AHDATH.INFOبنت الكوميسير ديالنا !كون كان شي شوية ديال الإبداع المطلوق فالتلفزيون ديالنا كون راه جملة "بنت الكوميسير ديالنا" دارو بيها الكوميديين العجب فالسيتكومات فبلاصت داك الجفاف الإبداعي والعاطفي والإنساني اللي كيبكيونا بيه كل نهار الله يسمح ليهمبنت الكوميسير ديالنا جملة مغربية كلنا سبق لينا سمعناها وعرفناها رجعات فهاد رمضان منين شي حاجز ديال المراقبة فالليل لقا شي بنت الكوميسير وخلاها تدوز كي قطيب اللوزهاد الشي حنا ماتفقناش عليه: شدو علينا كاملين ولا حلو البيبان للشعب كلو راه ماشي ضروري يكون الوالد كوميسير باش هاني يخرج يتسركل مور المغربضروري من معاقبة مول العبارة وتأديبو إداريا وضروري بنت الكوميسير ديالنا تخلص ستالاف وضروري هاد البسالة تتسالا حيت غادية تسبب لينا البالا والبلبلة . الله يهدي علينا هاد بنت الكوميسير ديالنا وصافي آسميتك