كشف وليد الركراكي مدرب المنتخب الوطني المغربي لكرة القدم عن رأيه فيما يخص إشراك زياش وبوفال ضد زامبيا رغم ضمان الأسود لتأهلهم إلى ثمن نهائي كأس إفريقيا التي احتضنتها كوت ديفوار في يناير الماضي وفبراير الحالي.
وقال الركراكي في حوار مع الرياضية:”كانو حوايج خلاتنا نلعبو بكامل الفريق فالماتش الثالث ومعندي حتى ندم ومع ذلك دورنا الفريق، المشكل فهاذ المسابقات هو كاين فارق وقت كبير بين الماتشات والى خليتي اللعابة غادي يكون واحد النقص فالريتم”.
وأضاف الركراكي:”إصابة زياش اللي كنا باغينو يلعب غير شوط واحد، ولكن تصاب قبل نهاية الشوط الاول، نصير هضرت عليه من الاول باش يكون واجد من الثمن وهو اللي وقع وخدمنا مع الطاقم الطبي وهاذ الشي اللي كاين والإصابات كتوقع فكورة وكنت كنامن وخة ميكونش بوفال وزياش كاين الزلزولي وعدلي وأنا ثايق فيهم خصوصا انهم مازال صغار”.
وتابع الناخب الوطني:”بوفال لعب مزيان وكان باغي يلعب ضد جنوب إفريقيا ولكن مكتابش ليه مسكين وهاذ الشي طرا لينا حتى فكاس العالم، ومن بعد دخلو البدلاء كالزلزولي والصيباري وعدلي”.
وواصل الركراكي حديثه قائلا:”درنا مونديال تاريخي وكنا عارفين أن المسابقة الجاية مغاديش تكون ساهلة فكاع الفراقي باغين يربحونا ويقولو ربحنا رابع المونديال لكن مكناش قادرين على هاذ الضغط وكنا عارفين أننا مرشحين باش نجيبو الكاس لكن مسابقة غير سهلة وحنا تاريخيا كأس إفريقيا ديما كانت صعيبة على المغرب وغادي نحاولو نتفاداو هاذ الشي فنسخة 2025 فبلادنا”.
